ក្រុមហ៊ុនអូប៊ីអែសឡូជីស្ទីកគឺជាក្រុមហ៊ុនផ្តល់សេវាភស្តុភារចម្រុះ ដែលរួមទាំង សេវកម្មដឹកជញ្ជូន ទាំងសេវាកម្មគ្រប់គ្រងខ្សែសង្វាក់ផ្គត់ផ្គង់ដ៏ធំមួយនៅក្នុងព្រះរាជាណាចក្រកម្ពុជា។ ក្រុមហ៊ុនយើងខ្ញុំមានប្រតិបត្តិការដឹកជញ្ជូនទំនិញជាលក្ខណៈអន្តរជាតិ។ យើងមានបទពិសោធន៍ជាង ១៥ឆ្នាំ នៅក្នុងការដឹកជញ្ជូន និងភស្តុភារចម្រុះ ហើយមានកំណត់ត្រាអាជីវកម្មល្អបំផុតលើសេវាកម្មគួរឱ្យជឿទុកចិត្ត និងកក់ក្ដៅបំផុតដោយមានការទទួលស្គាល់ពីដៃគូពាណិជ្ជកម្ម ដូចជាអតិថិជន អ្នកផ្គត់ផ្គង់ និងសមាជិករបស់យើងជាដើម។
អូប៊ីអែសឡូជីស្ទីក ជាក្រុមហ៊ុនជើងសារគយស្របច្បាប់ដែលមានអាជ្ញាបណ្ណពីក្រសួងសេដ្ឋកិច្ចនិងហិរញ្ញវត្ថុមានជំនាញពិសេសក្នុងការសំរួលទំលាក់ពន្ឋនាំចូលតាមរយៈពន្ឋលើកទឹកចិត្តពីរដ្ឋាភិបាល ការបំពេញបែបបទគយការផ្ទៀងផ្ទាត់តម្លៃគិតពន្ធគយ និងជំនាញដទៃទៀតទាក់ទងនឹងការនាំចេញ-នាំចូល ព្រមទាំងសេវាកម្មបញ្ជូនទំនិញបន្ត និងដឹកជញ្ជូនទំនិញសម្រាប់អតិថិជនថ្នាក់ជាតិ និង អន្តរជាតិផងដែរ។ យើងខ្ញុំក៏មានអ្នកជំនាញលើការផ្តល់ប្រឹក្សា និងដំណោះស្រាយជូនអតិថិជន ដើម្បីកាត់បន្ថយការចំណាយ និងសន្សំសំចៃពេលវេលា ថែមទាំងធានាបាននូវភាពជឿទុកចិត្តក្នុងដំណើរការនៃសង្វាក់ផ្គត់ផ្គង់ទាំងមូល ដើម្បីសម្រួលដល់ម្ចាស់អាជីវកម្មឲ្យទទួលផលចំណេញជាអប្បបរមា ក្នុងការនាំចេញ និងនាំចូលទំនិញ ដោយធ្វើឱ្យអតិថិជនគ្រប់គ្នាមានសន្តិភាពផ្លូវចិត្ត។
ជាមួយអូប៊ីអែសឡូជីស្ទីក អតិថិជនទាំងអស់នឹងទទួលបានសេវាកម្ម ដោយមានភាពសន្សំសំចៃ ងាយស្រួល និងរហ័ស ក្នុងតម្លៃសមរម្យ។ ទាំងអស់នេះមានដំណើរការល្អ ដោយសារតែបុគ្គលិករបស់យើមានភាពស្ទាត់ជំនាញ ចំណេះដឹងខ្ពស់ ព្រមទាំងភាពប៉ិនប្រសប់ក្នុងផ្នែកភស្តុភារ ដែលរង់ចាំបំរើដល់អតិថិជនជានិច្ច។ ដោយសារតែភាពប៉ិនប្រសប់នេះហើយ ទើបពួកយើងយល់ដឹងអំពីរបៀបនៃការបន្ថែមគុណតម្លៃជូនអតិថិជនគោលដៅរបស់យើង។ យើងផ្តល់ជូននូវសេវាកម្មដែលលើសពីក្តីរំពឹងទុករបស់អតិថិជន។
យើងមានមហិច្ចតាចង់ក្លាយជាអ្នកផ្តល់សេវាកម្មផ្នែកភស្តុភារប្រកបដោយវិជ្ជាជីវៈ ឈានមុខគេនៅក្នុងព្រះរាជាណាចក្រកម្ពុជា។ មហិច្ចតារបស់យើងគឺ ពង្រីកអាជីវកម្មបន្ថែមទៀតទៅលើឃ្លាំងស្តុកទំនិញ ផ្នែកឡានដឹកជញ្ជូន និងការបញ្ជូនទំនិញ ផែស្ងួត និងចុះបញ្ជីក្រុមហ៊ុននៅក្នុងផ្សារមូលបត្រកម្ពុជា។
ដើម្បីសម្រេចបាននូវចក្ខុវិស័យយើងជឿជាក់ទៅលើបេសកកម្មរបស់យើង ឬហៅ ថា 4R រួមមាន ផ្តល់សេវាកម្មចំគោលដៅ (Right Service) ដល់អតិថិជន និងដៃគូជាក់លាក់ (Right partner) ក្នុងតម្លៃសមរម្យ (Right Price) និង ក្នុងកាលវេលាសមស្របបំផុត (Right Time)។ យើងក៏ចង់បង្កើតស្ថាប័នមួយដែលតម្កល់អត្ថប្រយោជន៍ឱ្យគ្នាទៅវិញទៅមកទាំង ក្រុមហ៊ុនទាំងអតិថិជនរបស់យើងព្រមទាំងនាំមកនូវភាពរុងរឿងជូនដល់ពួក គេដែរ។
ក្រុមហ៊ុនអូប៊ីអែស(OBS)ជឿជាក់លើអត្ថប្រយោជន៍ទៅវិញទៅមកសម្រាប់ សមាជិកអតិថិជននិងក្រុមហ៊ុនដៃគូដោយសារតែគោលការណ៍របស់យើងគឺផ្តល់និង ចែករំលែកហើយធានាថាសមាជិករបស់យើងពិតជាមានឱកាសស្នើៗ គ្នានិងមានសមត្ថភាពកសាងនូវទំនាក់ទំនងយ៉ាងល្អ។ យើងចង់បង្កើតបទពិសោធន៍ដ៏ល្អដល់អតិថិជនដែលយើងតែងតែជួយឱ្យពួកគាត់ ជោគជ័យ ដូច្នេះពួកគាត់នឹងនៅជាមួយយើងជានិរន្ត។
យើងបង្កើតទំនាក់ទំនងយ៉ាងជិតស្និទជាមួយសមាជិកនិងដៃគូអាជីវកម្មទំាងអតិថិជន និងអ្នកផ្គត់ផ្គង់ដើម្បីឱ្យពួកគាត់មានទំនុកចិត្តនិងកម្លាំងចិត្តធ្វើការងារឲ្យបានជោគជ័យ។ទំនាក់ទំនងប្រកបដោយអត្ថន័យនិងយូរអង្វែងរបស់យើងគឺបង្កើតនូវភាពជឿជាក់និង គាំទ្រដល់សមាជិកនិងដៃគូអាជីវកម្មរបស់យើង។
សមត្ថភាពនៃការគិតគូរស៊ីជម្រៅគឺជាគន្លឹះដើម្បីបំពេញតាមតម្រូវការតែមួយគត់របស់ អតិថិជននិងដោះស្រាយបញ្ហាស្មុគស្មាញ។ ចំណេះដឹងទូលំទូលាយជួយឱ្យយើងដោះស្រាយបញ្ហាបានយ៉ាងរលូន ជាពិសេស ក្នុងស្ថានភាពលំបាកៗ។ ដូច្នេះយើងជឿជាក់លើការអភិវឌ្ឍខ្លួនឯងនិងគុណតម្លៃ ពេញមួយជីវិតតាមរយៈការកសាងចំណេះដឹង និងបង្កើនជំនាញដើម្បីក្លាយជាអ្នកដឹកនាំ។
យើងអាចរីកចម្រើនឥតឈប់ឈរទៅបានត្បិតវាអាស្រ័យលើពេលវេលានិងការ ធ្វើឱ្យប្រសើរឡើងផ្នែកប្រព័ន្ធបច្ចេកវិទ្យានិងវិធីសាស្ត្រថ្មីៗក្នុងការធ្វើអាជីវកម្ម ដើម្បីធានាផ្តល់ឱ្យអតិថិជននូវសេវាកម្មរហ័សខណៈពេលដែលយើងក៏រក្សាបាននូវ ប្រពៃណីនៃការបម្រើនិងផ្តល់កិត្តិយសដល់អតិថិជនដែរ។
យើងបើកចិត្តទូលាយនូវរាល់បញ្ហាគ្រប់យ៉ាង។យើងជឿជាក់លើភាពវិជ្ជមានពីព្រោះថា សុទិដ្ឋិនិយមនឹងជំរុញឱ្យអាជីវកម្មឈានទៅមុខ។ អ្វីដែលធ្វើឱ្យយើងឈរជើងបានមកដល់ពេលនេះ គឺការគិតវិជ្ជមាននិងមានទំនុកចិត្តនេះឯង។
អូប៊ីអែសយើងមានការទទួលខុសត្រូវខ្ពស់ចំពោះអតិថិជនសមាជិកនិងដៃគូអាជីវកម្ម របស់យើងដោយបង្កើតបាននូវជំនឿចិត្តការគាំទ្រពីអតិថិជននិងដៃគូអាជីវកម្មទាំង ក្នុងនិងក្រៅប្រទេស។
យើងតែងតែផ្តល់តម្លៃដល់សមាជិករបស់យើងដោយផ្តល់នូវរង្វាន់ ឬប័ណ្ណសរសើរពីការទទួលស្គាល់តម្លៃការងារ ត្បិតការទទួលស្គាល់គុណតម្លៃនេះ នឹងជួយឱ្យពួកគេទទួលបានជោគជ័យបន្ថែមទៀតនិងជួយឱ្យគាត់បន្តការងារឱ្យកាន់តែមានប្រសិទ្ធភាព។ថាមពលនៃភាពវិជ្ជមានកើតចេញពីការទទួលស្គាល់ហើយវាអាចឈានទៅដល់ត្រើយសុភមង្គល។.
ក្រុមហ៊ុនរបស់យើង កើតឡើងចេញពីអ្នកមានបទពិសោធន៍ក្នុងជើងសារគយច្បាស់លាស់។ សមាជិកយើងបានឆ្លងកាត់ការបណ្តុះបណ្តាលផ្នែកសេវាជើងសារគយ ហើយអាចសរសេរប្រតិវេស្សន៍ ការចាប់លេខកូដ ប្រភេទទំនិញ។ យើងរឹងមាំ ពីមួយថ្ងៃទៅមួយថ្ងៃ។ យើងបានចូលរួមវគ្គសិក្សាពីអង្គការគយពិភពលោក (WCO) ដោយសិក្សាពីការកំណត់ ចាប់លេខកូដ គោលការណ៍ភស្តុភារ ។
ក្រុមការងារ អូប៊ីអែស ផ្តល់ជូននូវសេវាកម្មដែលផ្អែកលើតម្លៃស្នូលនៃផលប្រយោជន៍ ទៅវិញទៅមក ក្នុងការបំពេញបែបបទគយ និងការទូទាត់ទំនិញតាមពេលវេលា។ អ្វីដែលធ្វើឱ្យក្រុមហ៊ុនយើងខុសពីក្រុមហ៊ុនដទៃ គឺថា យើងជួយម្ចាស់អាជីវកម្មឲ្យកាន់តែរីកចំរើន ដោយអនុវត្តទស្សនវិជ្ជា Givers Gain។ មានន័យថា ជួយអ្នកនៅជំុវិញយើងឲ្យជោគជ័យសិនទើបគេអាចនឹងចង់ជួយយើងឲ្យជោគជ័យវិញ។.
